Internet Explorer i rrezikshëm për përdoruesit

Përdoruesit e shfletuesit më të popullarizuar të internetit, Internet Explorer, i rekomandojnë njëri-tjetrit që të kalojnë në ndonjë shfletues tjetër, derisa të mos rregullohet “vrima” serioze e sigurisë në këtë që e ka krijuar Microsoft, shkruan BBC.
Sipas mendimit të ekspertëve të internetit, falë kësaj vrime në softuerë kriminelët mund t’ua marrin përsipër kompjuterin dhe t’ua vjedhin fjalëkalimet.

Microsoft është duke e hulumtuar këtë problem dhe duke përgatitur një “arnim” urgjent i cili do duhej të rregullonte gabimin.

Nga Microsoft lajmërojnë se më së shpeshti sulmohet versioni i shtatë i Internet Explorer që është edhe më i shpeshti tek përdoruesit. Mirëpo, prodhuesit tërheqin vërejtjen se edhe versionet tjera janë potencialisht të nënshtruara ndaj rrezikut.