Këshilli i Sigurimit e ka shtyrë për të premten debatin për Kosovën?

Është shtyrë seanca e Këshillit të Sigurimit e caktuar për të martën, ku pritej të shqyrtohej raporti tre mujor i sekretarit të përgjithshëm të Kombeve të Bashkuara, Ban Ki-Moon për gjendjen në Kosovë, përfshirë dhe procesin e rikonfigurimit të pranisë ndërkombëtare dhe vendosjen e misionit të BE-së, EULEX.
Data për seancën ende nuk është caktuar, ndërsa burime diplomatike në Bruksel kanë thënë se mbledhja mund të mbahet të premten.

Vendimi për shtyrjen e mbledhjes pasoi refuzimin që liderët e Kosovës i bënë dokumentit 6-pikësh për shtrirjen e misionit EULEX në Kosovë.

Autoritetet në Prishtinë i kanë cilësuar si të papranueshme disa nga elementet thelbësore të dokumentit gjashtëpikësh të Sekretarit të Përgjithshëm të OKB-së, Ban Ki Moon.

Një një deklaratë të përbashkët të presidentit, Fatmir Sejdiu dhe kryeministrit, Hashim Thaçi, thuhet se Prishtina zyrtare është e gatshme për vazhdimin e dialogut për të kontribuuar në shtrirjen sa më të shpejtë të EULEX-it në Kosovë, duke respektuar, siç thuhet, dhe zbatuar Projektin e presidentit Ahtisaari, Kushtetutën e Republikës së Kosovës dhe ligjet e saj.

haha kto krejt per politik te kokan veq mir mir