USB e ngadaltë.Cfarë duhet të bëjë?

Të është shfaqur ndonjëherë mesazhi “This device can perform faster if you connect it to a High-Speed USB 2.0 port”, kur ke lidhur një pajisje USB me kompjuterin? Kjo ndodh për arsye se shumica e kompjuterave të rinj janë të pajisur me porta USB 2.0, të cilat janë në gjendje të suportojnë transferime më të shpejta të dhënash se sa versionet e mëparshëm USB 1.x. Gjëja e parë që duhet të bësh është të konfirmosh statusin e portave. Kliko me të djathtën mbi My Computer dhe zgjidh Properties. Hap tabin Hardware dhe kliko mbi butonin Device Manager. Te dritarja që hapet kliko mbi shenjën “+” përbri “Universal Serial Bus controllers” dhe kërko për “host controller”. Nëse përbri ndodhet edhe fjala “enhanced”, do të thotë se i suportojnë edhe trasferimet USB 2.0. Nëse jo, do të thotë se janë për porta më të ngadalta.
Mungesa e fjalës “enhanced” mund të shpjegohet me dy situata. E para është se kompjuteri yt ka porta të përputhshme me USB 2.0, por ke të instaluar driver-at e gabuar. Situata tjetër është kur ke një sistem më të vjetër që ka porta të përputhshme me USB 1.x dhe nuk i suportojnë driver-at më të shpejtë. Në këtë rast, gjithçka humbet. Një kartë zgjerimi PCI me porta USB 2.0 kushton më pak se 1500 lekë dhe mund t’i shtojë sistemit aftësinë e transferimit të shpejtë të të dhënave.