Si ta zmadhojmë Recycle Bin-in?

Unë punoj me skedarë voluminoz video/multimedia, përfshi këtu edhe arshivimin e tyre në DVD. Më ka ndodhur të fshij gabimisht skedarë orinjinalë, përpara se ta kuptoj se nuk i kam arshivuar siç duhet, dhe nuk i rigjej dot. Shporta e Riciklimit mban vetëm 3.99 GB e fundit të fshirë. Ka ndonjë mënyrë për ta rritur hapësirën e Shportës së Riciklimit më tepër se 3.99 GB? Treguesi lëvizës, që qëndron në 10 %, nuk është funksional; 10 % -ëshi i diskut tim të ngurtë 300 GB është 30 GB, jo 4GB.



Hapësira maksimale e Shportës së Riciklimit tek Windows XP është 10 % e kapacitetit të diskut të ngurtë, ose 3.99 GB nëse disku është më i madh se 40GB. S’ke ç’i bën, është vërtet pak. Nëse mbetesh tek Win XP, do të të duhet të krijosh ndonjë lloj protokolli, në mënyrë që ta verifikosh gjithnjë arshivin përpara se ta fshish. Por, nëse kalon në Vista, mund të kesh një Shportë Riciklimi me një hapësirë më të arsyeshme në raport me diskun e ngurtë.



Edhe Vista ndjek modelin e Windows XP përsa i përket disqeve deri në 40 GB; Shporta e Riciklimit mund të mbajë vetëm deri 10% të kapacitetit të diskut. Ndërsa për disqe më të mëdhenj, maksimumi i hapësirës është 4GB, plus 5% të kapacitetit mbi 40GB. Pra, për diskun tënd, që është 300GB, i bie të jetë 4GB plus 5% të kapacitetit mbi 40GB, që do të thotë: 4 GB, plus 5% të 260GB (300GB – 40GB). Pra, gjithsej 17 GB. Kjo hapësirë është mjaft e bollshme për të mbajtur disa DVD informacion.